USD87.45EUR96.10RUB1.06
24.kg

Бишкекте боору алмаштырылган бейтаптын абалы айтылды

18:15, 11 июня 2024, Бишкек - 24.kg

Кыргызстанда биринчи жолу боор алмаштыруу операциясын жасаткан бейтаптын абалы туруктуу. Бул тууралуу Саламаттык сактоо министрлигинен билдиришти.

Маалыматка ылайык, министр Алымкадыр Бейшеналиев күн мурун боорун алмаштырылган бейтаптын абалы менен таанышты. Учурда бейтаптын жана донордун абалы туруктуу деп бааланууда.

Кыргыз-түрк достугу ооруканасында ушу тапта 50 жаштагы аялдын боорун алмаштыруу боюнча экинчи операция жасалууда. Ага кызы донор болуп жатат.

Кыргызстандык дарыгерлерге түркиялык адистер көмөктөшүүдө.

Белгилей кетсек, 10-11-июнда Кыргызстанда биринчи жолу кыргыз-түрк достугу ооруканасында боор алмаштыруу операциясы жасалууда. Операцияга кеткен чыгымдардын баары КР президентинин фондунан каржыланып жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18