USD87.45EUR96.10RUB1.06
24.kg

Бүгүндөн тарта ата мекендик өндүрүштөгү паспорттор бериле баштайт

14:34, 31 мая 2024, Бишкек - 24.kg

Бүгүндөн тарта ата мекендик өндүрүштөгү жалпы жарандык паспорттор бериле баштайт. Бул тууралуу президенттин администрациясынын маалыматтык саясат кызматынын жетекчиси Дайырбек Орунбеков социалдык баракчасына жазды.

«Бүгүн мамлекетибиз ата мекендик өндүрүштөгү жалпы жарандык паспорттун жаңы үлгүсүн берип баштайт. Мурда жалпы жарандык паспорт Германия, ал эми ID-карта Түштүк Кореядан даярдалчу. Ал үчүн мамлекет чет элдик компанияларга 15 млрд сомдун тегерегинде акча каражатын жумшаган», — деп жазган Орунбеков.

Орунбеков мындан ары паспорттун эки түрү тең президенттин иш башкармалыгына караштуу «Учкун» басмаканасында даярдалып, мурдагы паспортко салыштырмалуу бир нече көп коргоо элементтери кошулуп, дүйнөдөгү ондукка кирген сапатта болоорун белгиледи.

«Эми мурдагыдай жасалма паспортторду даярдоо, шылуундуктарга жол берилбейт, миллиарддаган акча каражатыбыз мамлекетте калат», — деп кошумчалады ал.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18