USD87.45EUR96.10RUB1.06
24.kg

Эртеңден тарта жылуулук жана ысык суунун тарифи көтөрүлөт

14:15, 31 мая 2024, Бишкек - 24.kg

Эртең, 1-июндан тарта Кыргызстанда жылуулуктун жана ысык суунун тарифи көтөрүлөт. Бул тууралуу Энергетика министрлиги бүгүн, 31-майда билдирди.

Маалыматка ылайык, буга чейин ысык суунун 1 гигакалориясы үчүн калк 1120 сом төлөсө, эми 1560 сомдон төлөм жүргүзүшөт.

Ал эми жылуулуктун буга чейин 1 гигакалориясы үчүн баа калкка 1248 сом болчу. Өзгөртүүлөргө ылайык, жалпы аянты 80 чарчы метрге чейинки батирде жашагандар 1 гигакалория үчүн 1 560 сомдон төлөйт. Батирдин жалпы аянты 80 чарчы метрден ашса, ар бир чарчы метрге жылуулук энергиясынын өздүк наркынын деңгээлиндеги тариф менен төлөнөт.

Министрлик 2025-жылга чейинки тарифтик саясаттын негизинде энергетика секторунда өзүн-өзү актоо жана тарифти өндүрүүнүн реалдуу акысына ылайык адилеттүү түзүү максатын көздөй турганын белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18