USD87.45EUR96.10RUB1.06
24.kg

Кыргызстандан чыгып кеткен чет элдиктер кайтып келүүдө

13:17, 24 мая 2024, Бишкек - 24.kg

Кыргызстандан чыгып кеткен чет элдиктер Бишкекке кайтып келүүдө. Бул тууралуу бүгүн, 24-майда Жогорку Кеңештин «Ишеним» фракциясынын жыйынында Ички иштер министринин орун басары Нурбек Абдиев билдирди.

Анын айтымында эки-үч күндүн ичинде Пакистандан 338, Индиядан 13, Бангладештен 71 жаран Кыргызстанга кайтып келген. Ал чет элдик студенттердин массалык түрдө чыгып кетишин алардын окуусу аяктап, Пакистан өз жарандары үчүн атайын каттамдарды уюштурганы менен түшүндүрдү.

Эскерте кетсек, Бишкекте 17-май күнү кечинде башталган чет элдиктерге каршы стихиялуу нааразылык акциясы 18-майда эртең менен гана аяктаган. Милиция митингчилер менен тил табышып, Чүй проспектисин ачып, бир аздан кийин тарап кетишти. Саламаттыкты сактоо министрлиги нааразылык акцияларында 41 адам жаракат алгандыгын билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18