USD87.45EUR96.10RUB1.06
24.kg

Кыргызстанга 8 унааны мыйзамсыз алып келгендер кармалды

17:18, 23 мая 2024, Бишкек - 24.kg

Кыргызстанга унааларды мыйзамсыз алып келүү аракети токтотулду. Бул тууралуу бүгүн, 23-майда Улуттук коопсуздук мамлекеттик комитетинен билдиришти.

Маалыматка ылайык, М.З.Ж. аттуу КР жараны өзүнүн шериктери менен 8 даана автоунаага жасалма документтерди колдонушуп, Кыргызстандын аймагында андан ары легалдаштыруу жана сатуу үчүн «Каркыра-Автожол» көзөмөл-өткөрүү пункту аркылуу мамлекеттик чек араны кесип өтүүгө аракет кылышкан.

Атайылап жасалма документтерди колдонуу фактысы боюнча УКМК тарабынан кылмыш иши козголду.

Учурда кармалган М.З.З. аттуу жаран Каракол ШИИБнын убактылуу кармоочу жайына киргизилди. Ошол эле учурда аталган фактыга тиешеси бар башка адамдарды аныктоо боюнча комплекстүү ыкчам-иликтөө иш-чаралары жүргүзүлүүдө.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18