USD87.45EUR96.10RUB1.06
24.kg

Кытай Тайвандын жээктеринде масштабдуу аскердик машыгууларды баштады

16:57, 23 мая 2024, Бишкек - 24.kg

 

Кытай машыгууларды баштады

Кытай армиясынын чыгыш согуштук командачылыгы Тайвандын айланасында биргелешкен аскердик машыгууларды баштады. Бул тууралуу чет элдик басылмалар жазышууда.

Кытайдын Коргоо министрлигинин маалыматына караганда машыгуулар эки күнгө созулат.

«Чыгыш согуштук командачылык зонасы 23-майда Тайван аралынын түндүгүндө, түштүгүндө жана чыгышында, ошондой эле Кинмень, Мазу, Вуциу жана Дунйин аралдарынын айланасында биргелешкен аскердик машыгууларды өткөрүүдө», — деп айтылат билдирүүдө.

Чыгыш согуштук командачылык аймагынын өкүлү Ли Си машыгууда кургактык, деңиз күчтөрү, аба күчтөрү жана ракеталык күчтөр сыяктуу ар кандай аскерлердин колдонулаарын билдирди. Анын айтымында, машыгуулардын максаты күжүрмөн даярдыкты текшерүү жана согуш талаасын биргелешип көзөмөлдөө операцияларын жүргүзүү, ошондой эле негизги буталарга так соккуларды берүү болуп саналат.

Мындай ири машыгуу Тайвандын жаңы администрация башчысы кызматка киришкенден көп өтпөй башталды. Аралдын коргонуу департаменти Кытайдын аскерий машыгууларын провокация деп атады.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18