USD87.45EUR96.10RUB1.06
24.kg

Таластагы «Бала-Саруу» ГЭСин курууга 2,8 миллиард сом сарпталат

11:41, 21 мая 2024, Бишкек - 24.kg

Талас облусундагы «Бала-Саруу» ГЭСинин курулушуна Финансы министрлиги 2 миллиард сом бюджеттик насыя бөлгөн. Кийинчерээк Россия-Кыргыз өнүктүрүү фондунан кошумча 10 миллион доллар (882 миллион сом) алынган. Бул тууралуу «Биринчи радионун» эфиринде «Чакан ГЭС» ачык акционердик коомунун директору Улан Астаркулов билдирди.

Анын айтымында, ГЭСтин өндүрүштүк кубаттуулугу 25 мегаватт болот. Ал Талас облусунун электр энергиясына болгон керектөөсүнүн 60-70 пайызын жабат.

ГЭСти куруу боюнча президенттин буйругуна 2021-жылдын 2-июлунда кол коюлган. Долбоордун техникалык-экономикалык негиздемесин норвегиялык компания иштеп чыккан. Жабдуулар Австриядан, Россиядан жана Өзбекстандан алынып келинген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18