USD87.45EUR96.10RUB1.06
24.kg

Кыргызстан менен Малайзия түз аба каттамын ачуу боюнча сүйлөшүүлөрдү жүргүзүүдө

15:44, 15 мая 2024, Бишкек - 24.kg

«Учурда биздин өлкөлөр «Бишкек — Куала-Лумпур» багыты боюнча түз авиакаттамды ачуу боюнча сүйлөшүүлөрдү жүргүзүп жатышат. Бул биздин элдерибиздин жакындашуусуна жана өлкөлөрүбүздүн ортосунда туристтерди алмашууга жардам берет», — деди бүгүн президент Садыр Жапаров Малайзиянын премьер-министри Анвар Ибрагим менен жолугушууда.

Садыр Жапаровдун айтымында, Кыргызстандагы тоо, экологиялык, этномаданий жана тарыхый туризм малайзиялык саякатчылардын кызыгуусун жаратышы мүмкүн.

«Малайзиялык авиакомпанияларга аба эркиндигинин бешинчи даражасын бир тараптуу берүүгө даяр экенибизди белгилегим келет. Бул Кыргызстандын эл аралык аэропортторун Европа өлкөлөрүнө учуу үчүн транзиттик пункт катары пайдаланууга мүмкүндүк берет», — деп белгиледи ал.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18