USD87.45EUR96.10RUB1.06
24.kg

ӨКМ башчысы: Алдын ала жасаган жумуштарыбыз бизди куткарып чыкты

14:49, 15 мая 2024, Бишкек - 24.kg

2024-жылы селдин көлөмү мурунку жылдарага караганда көбүрөөк болду. Бул тууралуу Жогорку Кеңештин жыйынында өзгөчө кырдаалдар министри Бообек Ажикеев билдирди.

«Биздин даярдыгыбыз, алдын ала жасаган жумуштарыбыз бизди куткарып чыкты. Былтыр Сузак районунда жана Баткен облусунда бир нече үйлөр жараксыз абалга келген болсо, быйылкы жылы алардын эсеби кыйла аз. Азыркы учурда жарандык комиссия иштеп жатат, алардын санын тактап жатышат», — деди министр.

Ал үйлөрдү суу капташынын негизги себептерин атады. Анын айтымында, сел каналдары өтүүчү жерлерде курулган, ошондой эле арыктары тазаланбаган жана курулуш нормаларына жооп бербеген үйлөр жабыркаган.

Селдин кесепеттерин жоюу үчүн жергиликтүү бийлик органдарынан, жергиликтүү тургундардан, Жарандык коргонуу жана ӨКМ кызматкерлеринен 3 миң 710 адам, ошондой эле 317 атайын техника тартылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18