USD87.45EUR96.10RUB1.06
24.kg

Сузакта 8 килограмм гашиш менен эки жаран кармалды

17:16, 14 мая 2024, Бишкек - 24.kg

Сузакта баңгизат каражаттарын даярдап, аларды сатууга шектелген эки жаран кармалды. Бул тууралуу Жалал-Абад облустук ички иштер башкармалыгынын басма сөз кызматы билдирди.

Кылмыш-жаза кодексинин 282-беренеси (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) менен козголгон кылмыш ишинин алкагында Сузак районунун аймагында ыкчам иликтөө иш-чаралары жүргүзүлгөн.

«Натыйжада жалпы салмагы 8 килограмм 33 граммды түзгөн өзгөчө кескин жыты бар (гашиш) баңгизатын сатып өткөрүп, мыйзамсыз аракеттерге барган А.И. жана Б.Э. аттуу жарандар аныкталган. Ошол эле күнү алынган баӊгизатка карата соттук-химиялык экспертиза дайындалган», — деп айтылат маалыматта.

Шектүүлөр

Шектүүлөр бир айга убактылуу кармоочу жайына киргизилди. Учурда кылмыш иши боюнча тергөө амалдары жүргүзүлүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18