USD87.45EUR96.10RUB1.06
24.kg

Санкт-Петербургда автобус жүргүнчүлөрү менен Мойка дарыясына кулап түштү

17:42, 10 мая 2024, Бишкек - 24.kg

Дарыяга кулап түшкөн автобус

Санкт-Петербургда автобус ичиндеги жүргүнчүлөрү менен Мойка дарыясына кулап, толугу менен суу астында калды. Бул тууралуу РИА «Новости» билдирди.

Орусиянын Ички иштер министрлигинин аймактык башкармалыгы алдын ала маалыматтар боюнча, автобустун салонунда 20га жакын адам болгонун билдирди. Коомдук транспорттун айдоочусу кармалып, кылмыш иши козголду.

Айрым жабыркагандарды эс-үчүн жоготкон абалда суудан чыгарып жатышат. Беш адам ооруканага жаткырылып, бирөө каза болду.

Алдын ала маалыматтар боюнча, автобустун айдоочусу рулду башкара албай калып, бир нече унааны сүзүп, көпүрөдөн кулап кеткен. Орусиянын өзгөчө кырдаалдар министрлиги билдиргендей, куткаруу иштерине 69 адис жана 18 техника тартылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18