USD87.45EUR96.10RUB1.06
24.kg

Кыргызстандык окуучулар математикалык олимпиадада төрт медаль утуп алышты

12:24, 08 мая 2024, Бишкек - 24.kg

Кыргызстандык окуучулар Болгарияда өткөн Балкан математикалык олимпиадасында төрт медаль жана эки ардак грамота алышты. Бул тууралуу Билим берүү жана илим министрлигинен билдиришти.

Маалыматка ылайык, окуучулар бир күмүш жана үч коло медаль утушту. Аларды олимпиадага математика мугалими Мамат Ишматов даярдаган.

Күмүш медалды «Газпром Кыргызстан» мектебинин 8-классынын окуучусу Ян Бобрус, коло медалды «Газпром Кыргызстан» мектебинин 10-классынын окуучулары Нурсултан Эшперов жана Сейит Рыскулов, № 61 автордук физика-математикалык мектеп-лицей окуу комплексинин 10-классынын окуучусу Нурдөөлөт Капаров жеңип алышты. Ардак грамоталары менен № 61 автордук физика-математикалык мектеп-лицей окуу комплексинин 10-классынын окуучулары Назар Киргизбаев жана Айдин Асанкадыров сыйланышты.

Олимпиаданын катышуучулары

41-Балкан математикалык олимпиадасына 22 өлкөнүн окуучулары катышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18