USD87.45EUR96.10RUB1.06
24.kg

Бишкекте № 14 троллейбустун кыймыл схемасы убактылуу өзгөртүлдү

13:49, 07 мая 2024, Бишкек - 24.kg

Бишкекте № 14 троллейбустун кыймыл схемасы убактылуу өзгөртүлдү. Бул тууралуу мэриянын басма сөз кызматы билдирди.

Маалыматка ылайык, бүгүн № 40 автобустун айдоочусу Дэн Сяопин проспектиси менен Алыкулов көчөлөрүнүн кесилишиндеги троллейбус линиясынын таянычын сүзгөн.

«Ыкчам маалымат боюнча, айдоочунун ден соолугу кескин начарлап кеткендиктен жолдон чыгып кетип, жол кырсыгына кабылган», — деп билдиришти мэриядан.

 Айдоочудан тышкары үч адам жабыркап, алар амбулатордук дарылануудан өтүшүүдө.

Троллейбус линиясынын таянычы кулап калганына байланыштуу № 14 троллейбустун схемасы убактылуу өзгөртүлдү. Ал «Жал» кичи районунан Фрунзе заводуна чейин каттайт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18