USD87.45EUR96.10RUB1.06
24.kg

Ата-энесине алимент төлөбөгөндөрдү тогуз айга камоо сунушталууда

12:18, 07 мая 2024, Бишкек - 24.kg

Мамлекеттик камсыздоодо турган жана өзүн-өзү камсыздоодо калган, каржылык жардамга муктаж ата-энелерин багуудан качкандарга айып пул салуу же коомдук иштерге тартуу же тогуз айга чейин эркинен ажыратуу сунушталды. Мыйзам долбоору Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитети тарабынан биринчи окууда кабыл алынды.

Жаза соттун чечиминин негизинде ата-энесине алимент төлөөгө милдеттүү болгон, жашы жеткен, эмгекке жарамдуу балдарга гана колдонулат.

Бул мыйзам долбоору менен анын демилгечиси депутат Тазабек Икрамов жергиликтүү бийлик органдарына алимент өндүрүү үчүн сотко кайрылуу боюнча эмгекке жарамсыз жана материалдык жардамга муктаж ата-энелердин таламдарын көрсөтүү үчүн ишеним кат берүүгө укук берүүнү сунуштоодо.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18