USD87.45EUR96.10RUB1.06
24.kg

Сузактагы трагедия. Жабыркагандардын 19у ооруканада жатат

10:08, 06 мая 2024, Бишкек - 24.kg

Жерге-Тал айылында манас айтуу конкурсунда жүк ташуучу унаа коюп кеткен балдардын 19у ооруканада жатат. Бул жөнүндө 24.kg агенттигине саламаттык сактоо министри Алымкадыр Бейшеналиев билдирди.

Анын айтымында, он бейтап Бишкекте, алардын үчөөсүнө операция жасалды.

«Алардын абалы туруктуу, орто. Төртөө реанимацияда, калгандары бөлүмдөрдө. Жалал-Абадда тогуз бала ооруканада дарыланып жатат, алардын бешөөсүнүн абалы орто, башкаларынын абалы канааттандырарлык, бирөө ооруканадан чыгарылды. Калгандары консервативдик дарылануудан өтүп жатышат. Маселе көзөмөлдө», — деди саламаттык сактоо министри.

Жалал-Абад облусунун Сузак районунун Жерге-Тал айылында жаш манасчылардын сынагы трагедия менен аяктады. Иш-чара жайлоодо өтүп жаткан. Мектеп окуучулары «Манас» эпосунан үзүндү айтып жатканда Porter унаасы өспүрүмдөрдү коюп кетип, 34 адам жабыркаган. Айдоочу үй камагына чыгарылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18