USD87.45EUR96.10RUB1.06
24.kg

56 жылда Кыргызстандагы мөңгүлөрдүн 16 пайызы ээрип кеткен

17:25, 29 апреля 2024, Бишкек - 24.kg

1970-жылдан 2016-жылга чейин Кыргызстандагы мөңгүлөрдүн 16 пайызы ээрип кеткен. Бул тууралуу «Борбордук Азиядагы гидроресурстардын тартыштыгы: суу көйгөйлөрүн аймактык жана эл аралык деңгээлде чечүү жолдору» эл аралык конференциясында Кыргызстандын коопсуздук кеңешинин катчысы Марат Иманкулов билдирди.

Мен Кыргызгидрометтин 2016-жылга чейинки маалыматтарын айттым, анткени андан кийин маалыматтар жаңыланган эмес. Азыр маалыматтарды жаңыртуу иштери жүрүп жатат.

Марат Иманкулов.

Коопсуздук кеңешинин жетекчисинин айтымында, 2013-2016-жылдары Кыргызстанда 9 миң 957 мөңгү болгон. Алардын жалпы аянты 6 миң 683 чарчы километрди түзгөн. СССР мөңгүлөрүнүн каталогуна ылайык, 1940-1970-жылдары өлкөнүн аймагында 8 миң 166 мөңгү болуп, алардын жалпы аянты 7 миң 945 чарчы километрге жеткен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18