USD87.45EUR96.10RUB1.06
24.kg

Бишкекте баңгизат өндүрүүдө колдонулуучу химиялык заттар көмүлгөн жай аныкталды

14:31, 29 апреля 2024, Бишкек - 24.kg

Бишкек шаарындагы гараж кооперативдеринин биринде мефедрон баңгизатынын реагенттери (компоненттери) болгон химиялык заттар көмүлгөн жай аныкталды. Бул тууралуу УКМКнын басма сөз кызматы билдирди.

Маалыматка ылайык, 300 килограммдан ашык порошок түрүндөгү жана 360 литрге жакын суюктук түрүндөгү химиялык заттар алынды. Аталган заттардын бири синтетикалык альфа-пирролидинопентиофенон (альфа- PVP) баңгизаты болсо, калган заттар мефедрондун реагенттери болуп саналат.

Алдын ала эсептөөлөр боюнча, алынган каражаттардан 10 килограмм мефедрон өндүрүлмөк, бул 10 миң дозадан ашык, ал эми анын наркы 500 миң долларды түзмөк.

Учурда баңгизаттарды мыйзамсыз сактоо менен алектенген адамдарды аныктоого багытталган комплекстүү тергөө-ыкчам иш-чаралары жүргүзүлүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18