USD87.45EUR96.10RUB1.06
24.kg

Кызыл-Кыянын мэриясына мурдагы балдар поликлиникасынын жер тилкеси кайтарылды

16:38, 24 апреля 2024, Бишкек - 24.kg

Баткен облусунун Кызыл-Кыя прокуратурасы тарабынан шаардын мэриясында жер мыйзамдарынын аткарылышы боюнча текшерүү жүргүзүлдү. Бул тууралуу Башкы прокуратурадан билдиришти.

Текшерүүдө Кызыл-Кыя шаарынын Жусубалиев көчөсүндө жайгашкан мурдагы балдар поликлиникасынын жер тилкеси мэриянын алдындагы муниципалдык менчик департаменти тарабынан 2010-жылы сатуу-сатып алуу келишиминин негизинде мыйзамсыз А.У. аттуу жарандын жеке менчигине сатылып кеткендиги аныкталган.

Прокуратура жогоруда белгиленген сатуу-сатып алуу келишимин жараксыз деп табуу боюнча Кызыл-Кыя шаардык сотуна доо арыз менен кайрылып, баардык соттук инстанцияларда толугу менен канааттандырылган.

Кызыл-Кыя шаарынын мэринин атына прокурордук чара көрүү актысы киргизилип, жыйынтыгында баасы 8 миллион 588 миң сомду түзгөн 4 миң 294 чарчы метр жер тилкеси мэриянын менчигине алынды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18