USD87.45EUR96.10RUB1.06
24.kg

Ош шаарындагы 50,2 миллион сомдук жер тилкеси мамлекетке кайтарылды

14:42, 24 апреля 2024, Бишкек - 24.kg

Ош шаарынын борбордук аянтына жакын жерде жайгашкан жер тилкеси мамлекетке кайтарылды. Бул тууралуу УКМКнын басма сөз кызматы билдирди.

Маалыматка ылайык, А.С. Ош айыл чарба техникумунун жетекчиси болуп турган учурда жалпы аянты 266 чарчы метр болгон окуу жайдын жер тилкесин менчиктештирип, Ош шаарындагы Мухтар Нургазиев көчөсүнүн (мурдагы Клубная көчөсү) № 3 дарегинде төрт кабаттуу 647,28 чарчы метр үй тургузган.

Текшерүүнүн жыйынтыгында менчик ээси жер тилкесин имарат менен кошо Ош шаардык мэриясынын балансына өткөрүп берди. Белгилей кетсек, аталган мүлктүн наркы 50 миллион 241 миң 145 сомго бааланган.

Учурда УКМК жеке менчикке мыйзамсыз берилген жер тилкелерин аныктоо иштерин улантууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18