USD87.45EUR96.10RUB1.06
24.kg

Кербен шаарындагы 23 миллион сомдук борбордук базар мамлекетке кайтарылды

14:02, 23 апреля 2024, Бишкек - 24.kg

Аксы районунун Кербен шаарындагы 23 миллион сомдук борбордук базар мамлекетке кайтарылды. Бул тууралуу УКМКнын басма сөз кызматы билдирди.

Маалыматка ылайык, Кербен шаарынын борбордук базары Б.М. аттуу жаран тарабынан мыйзамсыз пайдаланылып келгендиги аныкталган.

Мэриянын карамагында болгон базар 2012-жылы ижара келишиминин негизинде Б.М. аттуу жаранга беш жылдык мөөнөткө убактылуу пайдаланууга берилген.

Кербен шаарынын базары

«Бирок келишимдин мөөнөтү бүткөндөн кийин Б.М. базардын коммуналдык кооперативи менен болжолдонгон сатып алуу-сатуу келишимине таянып, Кербен шаарынын мэриясына ижара акысын төлөөнү токтотуп, ал үчүн жергиликтүү өз алдынча башкаруу органдары менен жасалма түрдө соттошуп баштаган», — деп билдирди УКМК.

Текшерүүнүн жүрүшүндө жалпы аянты 1,79 гектар болгон базар 2003-жылдан бери Кербен шаарынын мэриясынын балансында тургандыгы аныкталган. Мындан улам Б.М. базарды муниципалитетке ыктыярдуу түрдө кайтары берди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18