USD87.45EUR96.10RUB1.06
24.kg

Акылбек Жапаров ири инвестициялык компаниялардын өкүлдөрү менен жолукту

12:57, 19 апреля 2024, Бишкек - 24.kg

Ишкердик мамилелерди чыңдоо жана өлкөбүздүн экономикасына инвестицияларды тартуу максатында министрлер кабинетинин төрагасы Акылбек Жапаров Вашингтонго болгон жумуш сапарынын алкагында ири инвестициялык компаниялардын өкүлдөрү менен эрте мененки бизнес-тамакка катышты. Бул тууралуу министрлер кабинетинин басма сөз кызматы билдирди.

Жолугушууга өлкөбүздүн экономикасын жана инфраструктурасын өнүктүрүүгө кызыкдар болгон финансы рыногунун негизги оюнчулары жана топ-менеджерлери чогулду.

Экономиканын түрдүү тармактарына инвестиция тартуунун келечеги, ошондой эле бизнес менен өкмөттүн кызматташуу мүмкүнчүлүктөрү талкууланды.

Акылбек Жапаров инвесторлорго өлкөбүзгө кызыкдар болгондугу үчүн ыраазычылык билдирип, жагымдуу инвестициялык климатты түзүүгө даяр экендигин белгиледи. Ал ошондой эле жалпы өнүгүү максаттарына жетүү үчүн бизнес менен өкмөттүн ортосундагы узак мөөнөттүү өнөктөштүктүн маанилүүлүгүн кошумчалады.

Ал мындан аркы жемиштүү кызматташууга ишенерин билдирдип, инвесторлорду июнь айында Вена шаарында өтө турган форумга катышууга, иш сапары менен Кыргызстанга келип кетүүгө чакырды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18