USD87.45EUR96.10RUB1.06
24.kg

Бостеридеги 23 жаштагы жигиттин өлүмү. Кармалгандар күнөөлүү деп табылды

13:51, 18 апреля 2024, Бишкек - 24.kg

Ысык-Көл райондук соту былтыр жай айында Бостериде каза болгон 23 жаштагы жигиттин өлүмүнө байланыштуу кылмыш ишин кароону аяктап, өкүм чыгарды.

Эске салсак, 6-августта Бостериде «Золотые пески» пляжында 23 жаштагы Талас облусунун тургуну киши колдуу болгон. Өлкөнүн президенти бул ишти жеке көзөмөлүнө алган.

Адам өлтүрүү фактысы боюнча төрт шектүү кармалган.

Сот иштин бардык жагдайларын карап чыгып, мамлекеттик айыптоону, жабырлануучунун, соттолуучулардын жана күбөлөрдүн тарабын угуп, өкүм чыгарды. Сот төртөөнү тең күнөөлүү деп таап, ар бирин «Адам өлтүрүү» беренеси боюнча 15 жылга эркинен ажыратты.

Өкүмдө ошондой эле моралдык зыян катары жабырлануучулардын пайдасына ар биринен 250 миң сомдон, материалдык зыян катары 180 миң сомдон өндүрүү каралган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18