USD87.45EUR96.10RUB1.06
24.kg

Казакстандын президенти: Дүйнөлүк көчмөндөр оюндарынын бюджети кыскартылат

13:21, 17 апреля 2024, Бишкек - 24.kg

Казакстандын аймагындагы суу ташкынына байланыштуу өлкөнүн президенти Касым-Жомарт Токаев ири иш-чараларды өткөрүүдөн баш тартууну тапшырды. Бул тууралуу centralasia.media басылмасы билдирди.

«Мен бюджеттик каражатты үнөмдөө үчүн ири эл аралык форумду өткөрүүдөн баш тарттым. Дүйнөлүк көчмөндөр оюндарынын бюджетин кыскартабыз. Мындай иш-чараны өткөрбөй коюуга болбойт, бирок бюджети кыйла кыскарат. Мындан тышкары, Токиодогу Бүткүл дүйнөлүк көргөзмөсүнө катышууда өлкөбүздүн бюджети кыскартылат», — деди ал Түндүк-Казакстан облусунун тургундары менен жолугушууда.

Эскерте кетсек, V Дүйнөлүк көчмөндөр оюндары 2024-жылы 8-14-сентябрда Астанада өтөт. 2014, 2016 жана 2018-жылдары Кыргызстанда, 2022-жылы Түркияда өткөн. Мелдешке дүйнөнүн 100дөн ашуун өлкөсүнөн 4 миңге жакын спортчу катышат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18