USD87.45EUR96.10RUB1.06
24.kg

Жер ресурстары кызматынын филиалынын мурдагы жетекчиси кармалды

12:55, 16 апреля 2024, Бишкек - 24.kg

Жер тилкелерин каттоодогу коррупциялык схемага бөгөт коюлду. Бул тууралуу УКМКнын басма сөз кызматы билдирди.

Маалыматка караганда, Чүй облусунун Ысык-Ата районундагы Новоповровск жана Люксембург айыл аймактарындагы 11 гектар жер тилкелерине менчик укугун мыйзамсыз каттоо жана легалдаштыруу үчүн соттун чечимдерин бурмалоо, мамлекеттик органдардын ишин жасалмалоо фактылары аныкталды.

Жер ресурстары кызматынын филиалынын мурдагы жетекчиси М.Ш., «жер мафиясынын» уюштуруучулары С.А. жана Р.М. кармалды. Алар Бишкек шаарынын Октябрь сотунун токтомунун негизинде УКМКнын тергөө абагына киргизилди.

Учурда УКМК тарабынан жогоруда аталган фактыга катышы бар башка кызмат адамдарын аныктоо боюнча тиешелүү иштер жүргүзүлүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18