USD87.45EUR96.10RUB1.06
24.kg

Сот жети жаштагы баланы сабоого шек саналган жаранды үй камагына чыгарды

14:57, 15 апреля 2024, Бишкек - 24.kg

Жети жаштагы окуучуну сабоого шек саналган жаран үй камагына чыгарылды. Бул тууралуу Бишкектин Ленин райондук соту билдирди.

Мекеменин маалыматы боюнча, сотко Ленин райондук ички иштер башкармалыгынын тергөөчүсү шектүүгө карата үй камагына чыгаруу бөгөт чарасын тандоо өтүнүчү менен кайрылган.

Тергөөчү К.Д.В. анча оор эмес кылмышка шек саналып жатканын, өздүгү, туруктуу жашаган жери документалдуу түрдө аныкталганын айтып, аны үй камагына чыгарууну өтүнгөн.

Тергөөчүнүн өтүнүчү канааттандырылып, К.Д.В. 13-июнга чейин үй камагына чыгарылды.

Эскерте кетсек, буга чейин милиция 2016-жылы төрөлгөн бала сабалганын билдирген. Шектүү билим берүү мекемелеринин биринин имаратында окуучуга эч себепсиз кол көтөргөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18