USD87.45EUR96.10RUB1.06
24.kg

Жаран Өзбекстандан 26 тоннадай жезди мыйзамсыз алып кирүүгө аракет кылган

17:16, 11 апреля 2024, Бишкек - 24.kg

Түштүк-Батыш бажысы 26 тоннага жакын жезди мыйзамсыз ташып келүү аракетине бөгөт койду. Бул тууралуу Бажы кызматы билдирди.

Маалыматка ылайык, контрабандага жана бажы эрежелерин бузууга каршы күрөшүү бөлүмүнүн кызматкерлери Кыргызстандын Т.А.А. аттуу жаранынын Volvo FH500 үлгүсүндөгү унаасын токтоткон.

Текшерүүдө жалпы салмагы 25 миң 941 килограмм жез табылган. Товар Өзбекстандан аткезчилик жол менен алынып келе жаткан. Жүк кармалып, убактылуу сактоочу кампага киргизилди. Товардын жалпы баасы Соода-өнөр жай палатасынын экспертинин корутундусу боюнча 14 миллион 267 миң 550 сомду түздү. Мамлекеттик бюджетке 2 миллион 546 миң 758 сом зыян келтирилген.

Факт боюнча чогултулган материалдар Жалал-Абад облусунун прокуратурасына өткөрүлүп берилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18