USD87.45EUR96.10RUB1.06
24.kg

Жетим балдарды мурастан ажыраткан мамлекеттик нотариуска кылмыш иши козголду

15:21, 09 апреля 2024, Бишкек - 24.kg

Жетим балдарды мурастан ажыраткан мамлекеттик нотариуска карата кылмыш иши козголду. Бул тууралуу Башкы прокуратуранын басма сөз кызматы билдирди.

Маалыматка ылайык, балдар жөнүндө мыйзамдын талаптарынын сакталышы боюнча Биринчи май районунун социалдык өнүктүрүү башкармалыгына текшерүү жүргүзүлдү.

Белгилүү болгондой, 2021-жылы А.Э. аттуу жаран каза болгондон кийин анын жашы жете элек тогуз баласына кыймылсыз жана кыймылдуу мүлктөрдү мурастоо жөнүндө күбөлүктөрү берилип, бирдей бөлүштүрүлгөн.

«Бирок жетим балдардын камкорчусу Ж.Н. мураска калтырылган мүлктү ыктыярдуу бөлүштүрүү жөнүндө алдын ала пайдасыз макулдашуу түзүп, ага ылайык үч жашы жете элек бала мураска болгон укугунан толугу менен ажыратылган. Аталган макулдашуу нотариус тарабынан аймактык социалдык өнүктүрүү башкармалыгынын макулдугу алынбастан катталып, жетим балдардын мураска болгон укуктары бузулган», — деп айтылат маалыматта.

«Кызмат абалын кыянаттык менен пайдалануу» беренеси боюнча кылмыш иши козголуп, тергөө Биринчи май райондук ички иштер башкармалыгына тапшырылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18