USD87.45EUR96.10RUB1.06
24.kg

Уюшкан кылмыштуу топтун кармалган мүчөлөрү Азербайжанга өткөрүлүп берилди

10:19, 08 апреля 2024, Бишкек - 24.kg

Кыргызстандын жетекчилигине кол салууга даярданып жаткан трансулуттук уюшкан кылмыштуу топтун мүчөлөрү Азербайжандын расмий органдарынын өтүнүчү менен Ички иштер министрлигинин өкүлдөрүнө өткөрүлүп берилди. Бул тууралуу УКМКнын басма сөз кызматы билдирди.

Маалыматка ылайык, 20-мартта «Ак-Жол» көзөмөл-өткөрмө пункту аркылуу Кыргызстанга Азербайжандын беш жараны келген. Алар: 1971-жылы төрөлгөн А.В.С., 1984-жылы төрөлгөн Б.С.О., 1982-жылы төрөлгөн А.М.О, 1992-жылы төрөлгөн Б.Н.О., 1992-жылы төрөлгөн М.З.О. Аталган адамдар өздөрүнүн кылмыштуу таасирин, анын ичинде криминалдык идеологиясын жайылтуу жана күчөтүү максатында Кыргызстанда туруктуу уюшкан кылмыштуу топтордун системасын түзүүнү, ошондой эле эң оор кылмыш — буюртма менен киши өлтүрүүнү пландашкан.

Эскерте кетсек, Бишкекте трансулуттук уюшкан кылмыштуу топтун мүчөсү болгон Азербайжандын беш жараны кармалган. Алардын бир катар мыйзамсыз аракеттерге катыштыгы бар экени аныкталган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18