USD87.45EUR96.10RUB1.06
24.kg

Борбор Азия өлкөлөрү Азербайжан менен биргеликте аскердик машыгууларды өткөрүшөт

17:03, 05 апреля 2024, Бишкек - 24.kg

Июль айында Казакстандын аймагында Кыргызстан, Өзбекстан, Азербайжан, Тажикстан жана Казакстан өлкөлөрү биргелешкен аскердик машыгууларды өткөрүшөт. Бул тууралуу Азербайжандын Коргоо министрлигинин басма сөз кызматы билдирди.

Маалыматта аталган өлкөлөрдүн коргоо министрлери 4-апрелде Казакстандын Актау шаарында жолугуп, «Бирлестик-2024» аттуу аскердик машыгууларды уюштуруу маселесин талкуулап, биргелешкен планга кол коюшканы белгиленген.

Быйыл июль айында Казакстандагы «Оймаша» полигонунда жана Каспий деңизиндеги Токмак булуңунда өтө турган машыгууларда «Куралдуу жаңжалдардын аймагын аныктоо багытындагы тапшырмаларды аткаруу» боюнча аракеттер көрүлөт.

Мындан тышкары жолугушуунун жүрүшүндө министрлер аткарылышы керек болгон тапшырмаларга даярдык көрүү маселесин да талкуулаганы кабарланды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18