USD87.45EUR96.10RUB1.06
24.kg

Москвадагы теракт. Ислам Халиловго Кыргызстандын курамасынын футболкасы берилди

15:46, 05 апреля 2024, Бишкек - 24.kg

«Енисей» футболдук клубу «Крокус Сити Холлдогу» теракт учурунда адамдарды эвакуациялоого жардам берген Ислам Халиловго ыраазычылык билдирди. Бул тууралуу клубдун социалдык тармактардагы баракчасында маалымдалды.

Клубдун коргоочусу, Кыргызстан курама командасынын мүчөсү Валерий Кичин Ислам Халиловго чалып, команданын атынан колдоо сөздөрүн айтты. Ал Кыргызстандын курамасынын футболкасын жана «Енисей» клубунун шарфын берип жиберген.

«Мага көңүл буруп, убакыт бөлүп, Кыргызстандын курамасынын футболкасын бергениңизге абдан кубанычтамын. «Енисей», алга! Сиздерге баардык жакшылык каалайм!» -  деп жооп берди Ислам Халилов.

Эске салсак, 22-мартта Москванын четиндеги «Крокус Сити Холлдо» теракт болгон. Музыкалык топтун концертине миңдеген адамдар барышкан. Алдын ала маалыматтар боюнча, камуфляж кийген белгисиз төрт адам имаратка кирип, адамдарга туш келди ок чыгарышкан. 

 

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18