USD87.45EUR96.10RUB1.06
24.kg

Алыкул Осмоновдун ырлар жыйнагы азербайжан тилинде жарык көрөт

13:11, 05 апреля 2024, Бишкек - 24.kg

Алыкул Осмоновдун ырлар жыйнагы азербайжан тилинде жарык көрөт. Бул тууралуу Тышкы иштер министрлигинен билдиришти.

Маалыматка ылайык, Кыргызстандын Азербайжандагы элчиси Кайрат Осмоналиев менен Түрк маданияты жана мурасы эл аралык фондунун президенти Актоты Райымкулованын жолугушуусу болуп өттү.

Тараптар өз ара кызматташуу маселелерин, атап айтканда, кыргыздын чыгаан акыны Алыкул Осмоновдун ырлар жыйнагын кыргыз жана азербайжан тилдеринде басып чыгаруу маселесин талкуулашты. Ырларды азербайжан тилине акын, манас таануучу, Азербайжандын эмгек сиңирген журналисти Адил Жамил которгон.

Актоты Райымкулова белгилегендей, бул басылма эки өлкөнүн маданий карым-катнашын өнүктүрүүгө олуттуу салым болуп, түрк элдеринин каада-салттарын жана искусствосун урматтоону жана өз ара түшүнүүнү чыңдоого жардам берет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18