USD87.45EUR96.10RUB1.06
24.kg

Мирлан Жекшенов Кара-Балта шаарынын мэри болуп дайындалды

14:34, 04 апреля 2024, Бишкек - 24.kg

Президент Садыр Жапаров кол койгон тескемеге ылайык Мирлан Жекшенов Кара-Балта шаарынын мэри болуп дайындалды. Бул тууралуу мамлекет башчысынын басма сөз кызматы билдирди.

Чечим «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамынын 47-беренесине, президенттин 2023-жылдын 29-декабрындагы «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» жарлыгына ылайык кабыл алынды.

Эске салсак, жүргүзүлүп жаткан административдик-аймактык реформанын алкагында Кара-Балта Калинин айылы (Токтош, Сад-Верха, Верхний и Ильич тилкелеринен тышкары), Гидропартия жана Красновосточный айыл аймагындагы Индом айылы менен бириктирилген. Кара-Балта облустук маанидеги шаарга айланды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18