USD87.45EUR96.10RUB1.06
24.kg

Башкы прокуратура Бишкекте социалдык кызматкерлер үчүн үй куруп жатат

14:00, 04 апреля 2024, Бишкек - 24.kg

Жогорку Кеңештин жыйынында депутат Дастан Бекешев министрлер кабинетинин төрагасынан мамлекеттик ипотека боюнча канча үй курула турганын сурады.

Акылбек Жапаров бюджетте Мамлекеттик ипотекалык компаниясына 2 миллиард сом бөлүнгөнүн айтты. Бирок быйыл президент 10 миллиард сом табуу тапшырмасын койгон. Анын айтымында, учурда каржылоо булактары изделип жатат.

«Бүгүнкү күндө Бишкектеги Скрябин көчөсүндөгү үйлөр курулуп бүттү. Башкы прокуратура дагы бир чоң  үй куруп жатат. Батирлердин жарымы социалдык кызматкерлерге берилет», — деди министрлер кабинетинин башчысы.

Дастан Бекешевдин айтымында, буга чейин Мамлекеттик ипотекалык компания борбордо 7 миң үй курарын билдирген.

Белгилей кетсек, марттын ортосунда мамлекет башчысы Садыр Жапаровдун жарлыгы менен Мамлекеттик ипотекалык компаниясынын акциялары президенттин иш башкармалыгына өткөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18