USD87.45EUR96.10RUB1.06
24.kg

2023-жылы Кыргызстан 42,2 миң тонна картошка экспорттогон

10:37, 04 апреля 2024, Бишкек - 24.kg

Суу ресурстары, айыл чарба жана кайра иштетүү өнөр жайы министрлигинин берген маалыматына ылайык, Кыргызстан былтыр Россия, Казахстан, Өзбекстан, Түркмөнстан мамлекеттерине 42,2 миң тонна картошка экспорттогон.

Картошканын баасы 2023-жылдын апрель айында 23,3 сом, май айында 30 сом, июнь айында 45 сом, сентябрь айында 30 сом, октябрь айында 25,2 сом, ноябрь айында 26,5 сом болгон.

Ал эми 2022-жылы апрель айында 25,6 сом, май айында 35 сом, июнь айында 40 сомду түзгөн.

Быйыл март айына карата республика боюнча кортошка орточо дүң баада 10-12 сомдон, ал эми базарларда 18 сомдон 25 сомго чейин сатылууда.

«Учурда Өзбекстан мамлекетине экспорттун көлөмүн көбөйтүү боюнча иштер жүргүзүлүүдө. Ошондой эле, Кытай мамлекетине дагы картошканы экспорттоого сүйлөшүүлөр жүрүп жатат», — деп белгиледи министрлик.

Жогорку Кеңештин агрардык саясат, суу ресурстары, экология жана регионалдык өнүктүрүү боюнча комитетинин 1-апрелдеги жыйында депутат Акылбек Түмөнбаев картошка маселесин көтөрүп, эл сата албай жер төлөдө чирип, малга берип жатканын айткан. Министрлик бул маалымат чындыкка дал келбей турганын билдирди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18