USD87.45EUR96.10RUB1.06
24.kg

Сузак районунда 12 адам тамакка ууланды

16:01, 29 марта 2024, Бишкек - 24.kg

Жалал-Абад облусунда жергиликтүү тургундар тамакка ууланып, 12 адам облустук ооруканага кайрылган. Алардын ичинен 10 адам амбулатордук дарыланууга жөнөтүлүп, экөө ооруканага жаткырылган. Бул жөнүндө 24.kg агенттигине Жалал-Абад облустук ооруканасынан билдиришти.

Дарыгерлердин айтымында, облустун ар кайсы райондорунун тургундары Сузак районунун Саты айылындагы эс алуу жайына ооз ачууга чогулушкан. 

«Тамак буйрутма беришкен, анын ичинде куурулган балык дагы болгон. Эртеси ооруканага кайрылышты. 10ну текшерүүдөн кийин үйүнө жөнөтүлдү. Экөө ооруканага жаткырылып, эки күндөн кийин чыгарылды», — деп билдиришти облустук ооруканадан.

Оорулардын алдын алуу жана санитардык-эпидемиологиялык көзөмөлдөө борбору тамактануучу жайдын иши 26-марттан тарта убактылуу токтотулганын, ээсине 23 миң сом айып салынганын билдирди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18