USD87.45EUR96.10RUB1.06
24.kg

Бишкекте жүргүнчү коомдук транспорттун контролеруна кол көтөрдү

16:18, 28 марта 2024, Бишкек - 24.kg

Бишкекте жүргүнчү коомдук транспорттун контролеруна кол көтөрдү. Бул тууралуу мэриянын басма сөз кызматы билдирди.

«Эртең менен коомдук транспорттогу кезектеги текшерүү учурунда № 169 автобустагы жүргүнчүлөрдүн бири агрессия көрсөтүп, контролерго оозго алгыс сөздөрдү айта баштаган. Жүргүнчү жол кире акысы тууралуу маалымат берүүдөн баш тарткан», — деп маалымдады мэрия.

Кырдаал сүйлөшүүнүн чегинен чыгып, коомдук транспорттун кызматкерине кол көтөрүүгө жеткен. Жүргүнчү контролерду бетке бир нече жолу уруп, окуя болгон жерден качып кеткен.

Учурда алган жаракаттарынын оордугу медициналык текшерүүлөр аркылуу аныкталып жатат.

«Тулпар» компаниясынын өкүлүнүн айтымында, укук коргоо органдары кол көтөргөн жаранды издөө жана кармоо боюнча активдүү иш-аракеттерди баштады.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18