USD87.45EUR96.10RUB1.06
24.kg

Жалал-Абад шаарынын тургуну күйөөсүн өлтүрүүгө шектелип жатат

15:48, 28 марта 2024, Бишкек - 24.kg

Жалал-Абад шаарында күйөөсүн өлтүрүүгө шектелген аял кармалды. Бул тууралуу облустун ички иштер башкармалыгы билдирди.

Маалыматка ылайык, 25-март күнү милицияга аял күйөөсүн учтуу нерсе менен сайып, ал алган жараатынан улам каза болгондугу тууралуу маалымат түшкөн.

Тергөө-ыкчам тобу окуя болгон жерден материалдык далил катары бычакты алып, тийиштүү экспертизалар дайындалды.

Кылмыш-жаза кодексинин 122-беренеси (Адам өлтүрүү) менен кылмыш иши козголду.

Териштирүү учурунда жубайлар 2012-жылдан бери чогуу жашаганы, окуя болгон күнү спирт ичимдигин ичишкени аныкталган. Күйөөсү 52 жашта болгон.

Кылмыш ишине шектүү катары Жалал-Абад шаарынын 1972-жылы төрөлгөн тургуну кармалып, убактылуу кармоочу жайга киргизилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18