USD87.45EUR96.10RUB1.06
24.kg

Кар көчкү түшүрүү. Бишкек — Ош жолунда кыймыл убактылуу чектелет

11:07, 18 марта 2024, Бишкек - 24.kg

Бишкек — Ош жолунда артиллериялык эсепти колдонуу менен кар көчкү түшүрүү иш-чаралары жүргүзүлөт. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, бүгүн 18-март күнү ӨКМдин жана Коргоо министрлигинин кызматкерлери Бишкек — Ош унаа жолунун Чүй облусунун аймагында  кар көчкү түшүрүү ишин жүргүзүшөт.

ӨКМ кар көчкүлөрдү мажбурлап түшүрүүдө унаа жолдо маал-маалы менен чектөө киргизилерин белгиледи.

«Мындан улам жарандарды абалды туура түшүнүү менен кабыл алууга жана сак болууга чакырабыз. Унаа жолдогу абалды билүү үчүн жана кырсык катталганда «112» номерине байланышыңыз. Чалуу акысыз жана күнү-түнү кызматта», — деп билдирди министрлик.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18