USD87.45EUR96.10RUB1.06
24.kg

Айыл чарба министринин жаңы орун басарлары дайындалды

13:55, 15 марта 2024, Бишкек - 24.kg

Министрлер кабинетинин төрагасы Акылбек Жапаров суу ресурстары, айыл чарба жана кайра иштетүү өнөр жайы министринин жаңы орун басарларын дайындады. Бул тууралуу министрлер кабинетинин басма сөз кызматы билдирди.

Асел Кененбаева министрдин санариптик өнүктүрүү боюнча орун басары болуп дайындалды. Ал 2023-жылдан баштап «Инфоком» мамлекеттик ишканасынын техникалык маселелер боюнча директорунун орун басары кызматында иштеген.

Мирбек Дүйшеев айыл чарба министринин орун басары болуп дайындалды. Ал 2018-жылдан баштап Финансы министрлигине караштуу мамлекеттик сатып алуулар департаментинин директорунун орун басары болгон.

Кубат Касейинов айыл чарба министринин биринчи орун басары болуп дайындалды. 2021-жылдан баштап жаратылыш ресурстары, экология жана техникалык көзөмөл министринин орун басары болуп иштеген.

Тиешелүү буйрукка министрлер кабинетинин төрагасы кол койду.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18