USD87.45EUR96.10RUB1.06
24.kg

Кыргызстан менен Словакия кош салык салууну жоюу боюнча макулдашууга кол коюшту

15:00, 13 марта 2024, Бишкек - 24.kg

Кыргызстан менен Словакия киреше салыгына карата кош салык салууну жоюу жана салык төлөөдөн качуу жана ага жол бербөө жөнүндө макулдашууга кол коюшту. Бул тууралуу Экономика жана коммерция министрлиги билдирди.

Макулдашууга министр Данияр Амангелдиев жана Словакиянын Казакстан менен Кыргызстандагы атайын жана ыйгарым укуктуу элчиси Роберт Кирнаг кол коюшту.

Кош салык салуудан качуу келишимдери республиканын экономикасына чет өлкөлүк инвестицияларды тартуунун каражаты катары каралат. Макулдашуунун негизги максаттары бир мамлекеттин резидентин башка келишим түзүүчү мамлекетте басмырлоочу салык салуудан коргоо, салык төлөөдөн качууну же макулдашуунун жоболорун кыянаттык менен пайдаланууну болтурбоо жана макулдашуунун компетенттүү органдарынын келишим түзгөн мамлекеттер ортосунда өз ара маалымат алмашуу болуп саналат.

Бүгүнкү күндө Кыргызстан 36 мамлекет менен кош салык салуу боюнча макулдашууларды түзгөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18