USD87.45EUR96.10RUB1.06
24.kg

Камчы Көлбаевге тиешелүү коммерциялык фирмалардын жетекчилери кармалды

17:14, 07 марта 2024, Бишкек - 24.kg
Замира НИЯЗБЕКОВА

Кылмыштуу чөйрөнү каржылоо фактысы боюнча Камчыбек Асанбек (Көлбаев) көзөмөлдөгөн коммерциялык фирмалардын жетекчилери Б.А.Б. жана Х.Д.А. кармалды. Бул тууралуу УКМК билдирди.

Берилген маалымат боюнча, жеке баюу жана көзөмөлгө алынган уюшкан кылмыштуу топту каржылоо максатында жогорудагы адамдар «Гранд Электроникс» ЖЧКсы аркылуу «Кумтөр Голд Компани» менен «Кумтөр» кенин тамак-аш менен камсыздоого келишим түзүшкөнү аныкталды.

«Ортодогу алынган каржылык киреше уюшкан кылмыштуулук менен байланышы бар «Гранд Электроникс Стафф» ЖЧКсына, андан кийин Камчыбек Асанбектин жеке өзүнө өткөрүлүп берилип турган», — деп айтылат маалыматта.

Кылмыштуу чөйрөнү каржылоо беренеси боюнча козголгон кылмыш ишинин алкагында, Камчыбек Асанбек көзөмөлдөп башкарган коммерциялык фирмалардын жетекчилери Б.А.Б жана Х.Д.А. кармалып, убактылуу кармоочу жайына киргизилген. Тергөө иштери уланууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18