USD87.45EUR96.10RUB1.06
24.kg

Жети-Өгүз районунун тургунунан 6 килограммдан ашык баңгизат табылды

14:26, 07 марта 2024, Бишкек - 24.kg

Жети-Өгүз районунун тургунунун үйүнөн 6 килограммдан ашык баңгизат алынды. Бул тууралуу Ички иштер министрлигинин басма сөз кызматы билдирди.

Маалыматка ылайык, Ысык-Көл облусунун Жети-Өгүз районунун жашоочусу сатуу максатында ири өлчөмдө баңги каражаттарын даярдоо жана сактоо менен алектенип жаткандыгы тууралуу ыкчам маалымат алынган.

«Тергөө-ыкчам иш-чаралардын жүрүшүндө шектүүнүн өздүгү аныкталды. Ал Жети-Өгүз районунун Кызыл-Суу айылынын 1979-жылы туулган К.М. аттуу тургуну болуп чыкты. Анын үйүн тинтүү учурунда 6 килограммдан ашык баңгизат табылган», — деп айтылат маалыматта.

Соттук-химиялык экспертизанын корутундусу боюнча алынган баңгизаттын 4 килограмм 212 граммы марихуана жана 2 килограмм 90 граммы гашиш экени аныкталды.

Кармалган жаран убактылуу кармоо жайына киргизилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18