USD87.45EUR96.10RUB1.06
24.kg

Айыпталуучуга жашыруун телефон берген тергөө абагынын кызматкери иштен алынды

17:44, 29 февраля 2024, Бишкек - 24.kg

Тергөө абактарынын кызматкерлеринин мыйзамсыз иш-аракеттери аныкталып, аларга бөгөт коюлду. Бул тууралуу Жазаларды аткаруу кызматынын басма сөз кызматы билдирди.

Маалыматка ылайык, Бишкек шаарынын № 1 тергөө абагынын контролеру Ж.Т.А. мыйзамсыз акчалай сыйлык алуу үчүн камакка алынган адамдарга уюлдук телефондорду бир нече жолу жашыруун алып өткөнү аныкталган. Пландык тинтүү иш-чараларынын учурунда Ж.Т.А. уюлдук телефондорду жашырып, тинтүүдөн кийин айыпталуучуларга кайтарып берип турган. Аталган факты боюнча ЖАК кызматтык иликтөө жүргүзүп жатат.

Ошондой эле Ош шаарындагы № 5 тергөө абагынын бөлүм башчысы Т.К.М.  20 миң сом акчалай сыйлык үчүн уюлдук телефонду тергөө камак жайына жашыруун алып барып, айыпталуучуга бергендиги аныкталган. Жүргүзүлгөн кызматтык иликтөөнүн жыйынтыгы боюнча Т.К.М кызматынан бошотулган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18