USD87.45EUR96.10RUB1.06
24.kg

Екатеринбургда кыргызстандык соодагерлер иш ташташты

14:12, 27 февраля 2024, Бишкек - 24.kg

Орусиянын Екатеринбург шаарындагы «Пекин» деп аталган соода борборунда соодагерлер ижара акынын кымбатташына нааразы болуп иш ташташты.

26-февралдагы акцияга базарда иштеген кыргызстандык соодагерлер да кошулганын «Безумный Екб» деп аталган Телеграм-канал жазды.

Маалыматка ылайык, иш таштагандар соода орундарынын ижара акысы март айынан тартып 20-30 пайызга кымбаттай турганына нааразылык билдиришти.

Соодагерлер менен жолуккан базардын администрациясы баалардын кымбатташына коммуналдык кызмат акылары көтөрүлгөнү себеп болгонун билдирген.

Телеграм-канал нааразылыкка чыккандарга Кыргызстандын Екатеринбургдагы консулдугунун өкүлдөрү келип жолукканын, алар соода борборунун жетекчилиги менен сүйлөшүүнү убада кылганын жазды.

Кыргызстандын Орусиядагы элчилиги азырынча бул маалыматты комментарийлей элек.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18