USD87.45EUR96.10RUB1.06
24.kg

Садыр Жапаров Татарстанда Владимир Путин менен эки тараптуу жолугушуу өткөрөт

12:13, 19 февраля 2024, Бишкек - 24.kg

Президент Садыр Жапаров Россия Федерациясынын президенти Владимир Путиндин чакыруусу менен 20-21-февралда Орусияга иш сапары менен барат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирди.

«Мамлекет башчысы Казань шаарында өтө турган «Келечек оюндары» эл аралык мультиспорттук мелдештердин расмий ачылыш аземине катышат. Иш-чаранын алкагында Садыр Жапаров менен Россиянын президенти Владимир Путиндин жана Татарстандын башчысы Рустам Миннихановдун эки тараптуу жолугушуулары өтөт», — деди ал.

Жолугушуулардын жүрүшүндө тараптар кыргыз-россия кызматташтыгынын актуалдуу маселелерин, анын ичинде соода-экономикалык, маданий-гуманитардык жана инвестициялык чөйрөлөрдөгү маселелерди талкуулашат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18