USD87.45EUR96.10RUB1.06
24.kg

2015-жылдан бери издөөдө жүргөн Кыргызстандын жараны Польшада кармалды

17:23, 16 февраля 2024, Бишкек - 24.kg

Польшада 2015-жылдан бери издөөдө жүргөн каракчылыктын катышуучусу кармалды. Бул тууралуу Ички иштер министрлигинин басма сөз кызматы билдирди.

Маалыматка ылайык, 2024-жылдын 9-февралында «Любачув» (Польша/Украина) көзөмөл-өткөрүү пунктунда Кыргызстандын А.М. аттуу жараны кармалды.

Бул жаран Кызыл-Кыя шаарынын ички иштер бөлүмү тарабынан 2015-жылдан бери каракчылык фактысы боюнча издөөдө жүргөн.

2015-жылы Кызыл-Кыя шаарынын Караван айылынан автомат менен куралданган төрт белгисиз адам Ж.Ы. аттуу адамдын башкаруусундагы Honda CRV үлгүсүндөгү унааны токтотушуп, өлтүрүү менен коркутуп, жабырлануучунун 1 миллион 30 миң долларын ээлеп алышкан.

Кийинчерээк үч шектүү кармалып, төртүнчүсү качып кетүүгө үлгүргөн.

Учурда кармалган жаранды экстрадициялоо жана кылмыш жоопкерчилигине тартуу маселеси каралууда.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18