USD87.45EUR96.10RUB1.06
24.kg

Кыргызстан 2023-жылы 20,2 тонна алтын саткан

12:10, 16 февраля 2024, Бишкек - 24.kg

2023-жылдын жыйынтыгы боюнча Кыргызстан 20,2 тонна алтынды 1 миллиард 284,3 миллион долларга саткан. Бул Улуттук статистика комитетинин маалыматтарында көрсөтүлгөн.

Бир айдын ичинде көрсөткүч 4,7 тоннага өстү. 2022-жылы 290 килограмм гана баалуу металл 1,3 миллион долларга экспорттолгон.

 Өткөн жылы алтындын экспортунун көлөмү 2022-жылга салыштырмалуу 69 эсеге өскөн.

Баалуу металлдын экспортунун негизги көлөмү Швейцарияга туура келет — 17 тоннадан ашык алтын 1 миллиард 88,2 миллион долларга жеткирилген. 2023-жылдын 11 айынын маалыматтары боюнча бул өлкөгө болгон экспорттун көлөмү 12,7 тоннаны түзгөн. Демек, декабрь айында Швейцарияга дагы 4,2 тонна алтын экспорттолгон.

Мындан тышкары, республика Гонконгго 1,8 тонна баалуу металлды 115,4 миллион долларга жана Бириккен Араб Эмираттарына 1,29 тоннаны 80,3 миллион долларга жеткирген.

2022-жылы дээрлик бардык алтын Түркияга экспорттолгон. Өткөн жылы бул өлкөгө алтын сатылган эмес.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18