USD87.45EUR96.10RUB1.06
24.kg

Инвестиция жөнүндө мыйзамдар өзгөрөт. Жумушчу топ түзүлдү

09:47, 16 февраля 2024, Бишкек - 24.kg

Президент Садыр Жапаров инвестицияларды, анын ичинде чет өлкөлүк инвестицияларды тартуу маселелерин жөнгө салуучу мыйзамдарды өркүндөтүү боюнча эксперттик-жумушчу топту түзүү жөнүндө тескемеге кол койду. Бул тууралуу өлкө башчысынын басма сөз кызматы билдирди.

Ошондой эле туризмди, авиацияны жана лицензиялык-уруксат берүү системасын өнүктүрүү чөйрөсүндөгү мыйзамдар изилденет. Бул мамлекеттик органдардын ашыкча контролдук функцияларын алып салуу максатында жасалууда.

Аталган эксперттик-жумушчу топтун курамына президенттин администрациясынын, министрликтердин жана мекемелердин өкүлдөрү, ошондой эле «Манас» эл аралык аэропорту» ачык акционердик коомунун, «Бишкек» эркин экономикалык аймагы» мекемесинин, Эл аралык ишкерлер кеңешинин өкүлдөрү кирет.

Эксперттик-жумушчу топ 2024-жылдын 1-ноябрына чейин өз ишин бүтүрүп, тиешелүү ченемдик укуктук актыларды президенттин администрациясына киргизүү боюнча тапшырма берилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18