USD87.45EUR96.10RUB1.06
24.kg

Бишкекте жаран бир килограммдан ашык баңгизатын сатууга аракет кылган

12:17, 14 февраля 2024, Бишкек - 24.kg

Бишкекте баңги каражаттарын, психотроптук заттарды жана алардын аналогдорун сатуу максатында мыйзамсыз даярдоого шектүү жаран кармалды.Бул тууралуу Бишкек шаардык ички иштер башкы башкармалыгы билдирди.

Маалыматка ылайык, милицияга белгисиз адам баңгизатын таратып жүргөндүгү тууралуу маалымат түшкөн.

Кылмыш-жаза кодексинин 282-беренесине (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) ылайык кылмыш иши козголгон.

Шектүү катары 1995-жылы туулган жаран кармалды. Анда салмагы 1 килограмм 100 граммды түзгөн гашиш табылган.

Ал убактылуу кармоочу жайына киргизилди. Бишкектин Ленин райондук соту шектүүгө карата эки айга камакка алуу түрүндөгү баш коргоо чарасын тандады.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18