USD87.45EUR96.10RUB1.06
24.kg

Кадамжай районунда «бирдиктүү терезе» борборунун жаңы имараты ачылды

10:13, 14 февраля 2024, Бишкек - 24.kg

Кадамжай райондук милициясында «бирдиктүү терезе» тартибинде мамлекеттик кызмат көрсөтүү борборунун жаңы имараты ачылды. Бул тууралуу Баткен облусунун ички иштер башкармалыгынын басма сөз кызматы билдирди.

Белгиленгендей, жарандарды тейлөөнүн жаңы форматы мамлекеттик кызматтарды көрсөтүү системасын оптималдаштыруу, аларды жеткиликтүү кылуу, кызмат көрсөтүү мөөнөттөрүн кыскартуу жана көрсөтүлгөн кызматтардын сапатын жогорулатуу үчүн түзүлгөн.

«Кыргызстандын аймагында кылмыш жоопкерчилигине тартылып-тартылбагандыгы, соттуулугу бар же жок экендиги жөнүндө маалымат берүү түрүндөгү мамлекеттик кызмат көрсөтүүлөр ыкчам түрдө Баткен облусунун тургундарын акысыз тейлейт. Бул кызмат бир күндө 100дөн 130га чейинки жарандарды кабыл алат. Кадамжай районунда жалпысынан 205 миңден ашуун калк жашайт», — деп белгиледи мекеме.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18